Ելնելով շահառուների կարիքներից՝ կազմակերպվում և իրականացվում են տարբեր դասընթացներ։ Այս պահին իրականացվում են անգլերենի ուսուցման, ծրագրավորման, ինչպես նաև վարսահարդարման, մատնահարդարման, ֆլորիստիկայի դասընթացներ։ Այս ծրագրերի շնորհիվ շահառուները ձեռք են բերում նոր մասնագիտություն, որից հետո, ըստ անհրաժեշտության, տրամադրվում են համապատասխան գործիքներ՝ ստացված հմտությունները կիրառելու համար, ինչպես նաև իրենց բնակավայրերում աշխատելու հնարավորություն։ Կրթական ծրագրերի շրջանակում համագործակցում ենք մի շարք կազմակերպությունների հետ, ինչպիսիք են Սոցիալական ձեռներեցության դպրոց ակադեմիան, «ԿԱԶԱ» շվեյցարական մարդասիրական հիմնադրամը, «Լակմե» գեղեցկության սրահը։ Արդեն իսկ մի շարք ընտանիքներ օգտվել են այս կրթական ծրագրերից։ Կրթական ծրագրերին աջակցելու և ծածկույթն ընդլայնելու համար կարող եք կատարել նվիրաբերություն։

Նպատակը մարզերում բնակվող ընտանիքների համար եկամտի աղբյուր ստեղծելն է և հողագործական աշխատանքները խթանելը։ Ոլորտը ներկայացնող ուղղությունները սահմանափակ չեն և կախված են շահառուների կարիքներից՝ ջերմոցային տնտեսություններ, տարբեր մշակաբույսերի բաց գրունտային գյուղատնտեսություն և գործունեության այլ տեսակներ։ Արդեն իսկ մի շարք ընտանիքներ օգտվել Գյուղատնտեսական այս ծրագրերից։ Հողագործության ծրագրերին աջակցելու և ծածկույթն ընդլայնելու համար կարող եք կատարել նվիրաբերություն։

Նպատակը մարզերում բնակվող ընտանիքների համար եկամտի աղբյուր ստեղծելն է և անասնաբուծական ու անասնապահական աշխատանքները խթանելը։ Ոլորտը ներկայացնող ուղղությունները սահմանափակ չեն և կախված են շահառուների կարիքներից՝ մանր և խոշոր եղջերավոր անասունների անասնապահություն, մեղվաբուծություն, թռչնաբուծություն, խոզաբուծություն և գործունեության այլ տեսակներ։ Արդեն իսկ մի շարք ընտանիքներ օգտվել են Գյուղատնտեսական այս ծրագրերից։ Գյուղատնտեսական ծրագրերին աջակցելու և ծածկույթն ընդլայնելու համար կարող եք կատարել նվիրաբերություն։

Նպատակը ընտանեկան փոքր բիզնեսի ստեղծումն է՝ դարձնելով ընտանիքը ինքնաբավ և ինքնուրույն վաստակող։ Ոլորտը ներկայացնող ուղղությունները սահմանափակ չեն և կախված են շահառուների կարիքներից՝ կարի փոքր արտադրամասերի ստեղծում, հացի արտադրամասերի հիմնում, հրուշակագործության զարգացում, ձեռքի աշխատանքներ, վարսահարդարման և մատնահարդարման գործիքների տրամադրում և գործունեության այլ տեսակներ։ Արդեն իսկ մի շարք ընտանիքներ օգտվել են ինքնազբաղվածության ծրագրերից։ Ինքնազբաղվածության ծրագրերին աջակցելու և ծածկույթն ընդլայնելու համար կարող եք կատարել նվիրաբերություն։

Այս ծրագրերն իրականացվում և շարունակվելու են իրականացվել ելնելով խիստ անհրաժեշտությունից։ Մասնավորապես Արցախի շրջափակման ողջ ընթացքում ընտանիքներին տրամադրվել են մանկախառնուրդներ և շիլաներ, դեղամիջոցներ, հիգիենայի պարագաներ, ինչպես նաև սերմեր և գյուղատնտեսական գործիքներ, իսկ տեղահանումից հետո նաև որոշ քանակությամբ կենցաղային իրեր։ Աջակցման ծրագրերին աջակցելու և ծածկույթն ընդլայնելու համար կարող եք կատարել նվիրաբերություն։